Lampu Bangjo
Cerita Bangjo karya Daning Maufur tentang lampu lalu lintas yang makin ramai aturan, namun kadang justru terasa membingungkan dan mengganggu pengguna jalan.
Daning : Maufur
LAMPU sing ngatur lalu lintas, nang saban prapatan utawa pertelon, pancen warnane ora mung abang karo ijo. Tapi neng wong-wong sering ngonekenane mung bangjo.
Padahal ana warna kunginge. Malah saiki orang mung warna abang ijo kuning tok, ana pirang-pirang tambahane.
Ya kuwe, tulisan iklan sing rada nrokcok, garis-garis cat putih, pengumuman liwat speker, tanda arah, lan-liya-liyane. Anane lampu bangjo sakomplite kuwe maksude kanggo ngatur wong-wong sing liwat ben lancar, teratur, lan ngurang utawa ngilangna cilaka, supaya pada slamet.
Dina Selasa, tanggal Sepuluh November wingi, enyong mangkat maring Yogya liwat Weleri terus Sukoharjo.
Baca Juga: [EDITORIAL] Jalan Panjang Usulan Pemekaran Brebes Selatan
Pan anjog Temanggung, Pak Basuki usul, “Aja manjing kota, liwat pinggiran bae. Nang kota kakean bangjo, wektune dadi tambah suwe”. Enyong ya setuju bae karo ngomong, “Ya wis owh, supire dikandani, mbokan durung weruh dalane”. Bar kuwe, Pak Basuki ngandani supir.
Suwene enggal sejam setengah, pan manjing Kota Jogya. Gantian Bu Ratna usul pada karo pak Basuki. Jare bu Ratna, “Aja liwat kotalah, akeh lampu abange”.
Trus enyong takon, “Jare sapa bu”? Jawabe, “Lah kanca-kancane enyong pada ngomong Kota Yogya kye kecaba terkenal kota pelajar, uga terkenal akeh lampu abange”. Jare enyong, “Miturut enyong ta kuwe ora bener bu.
Baca Juga: Ngumpulke Balung Pisah, Cara Nahdliyin Jaga Kebangsaan dan Majukan Jateng
Yogya pancen akeh prapatane, tapineng lampune ora abang tok, ana ijo lan kuninge, jumlahe imbang ka”. Krungu omongan kaya kuwe, Bu Ratna semaur, “Hehehe... iya, kuwe ta karuan”.
Enyong dadi kemutan omongan Pak Thomas, “ Saiki ora mung abang ijo kuning tok, luwih komplit, ana ronggeng kunyuke”.
Lanang ya tau ngomong yen leneng lampu bang jo, “Ditempeli iklan sing ora pantes, dudu nein piweruh kanggo wong umum, tapineng khusus wong-wong sing cungure bolang blonteng”. Batine enyong, maksude ndean hidung belang.
Sejen maning omongane Om Dinhas, “Bang jo dinein angka nggo wektu, kuwe wis apik, mbantu wong-wong pada siap-siap, tapi sauwise ditambahi maning asesoris, tulisan tambahan, suara, malah dadi mubadir lan lucu”.
Dina Saptu wingi, enyong parkir mobil nang dalan Diponegoro perek prapatan sing perek Alun-alun Kota Tegal. Sauwise metu saka mobil, nembe krungu ana suara wong ngomong liwat speker sing ditempelna nang leneng lampu bangjo. Monine kira-kira kaya kiye.
