Kalah Nang Landratan Bayare Sehahahaha
Cerita Man Damin dan kawan-kawan membahas polemik Pasar Esuk Tegal yang kalah di pengadilan. Warga heran karena pemerintah harus bayar miliaran ke investor.
Daning : Yono Daryono
Esuk-esuk, Man Damin wis ngetokna pit kunane, pan ucul sing umah. Biasane sarapan ponggol ndisit tembe lunga. Yu Nah sing adol sega bubur nang ngarep umahe Man Damin, kayong tembe ngranapi Man Damin ora tuku sarapan esuk, Yu Nah bingun toli nyapa.
“Man Damin Ngenjleg bae, dengaren ora tuku sarapan ndingin, engko semineb. Repan aring ngendi," jare Yu Nah.
“Klintang-klintong, Nah”. Jawabe Man Damin Karo ilang ileng bongcengan pite mbokatan ana sing ucul.
Baca Juga: Ini Rekomendasi Wisata Liburan Long Weekend April di Pemalang
Dine kiye, Man Damin pengin sarapan sing luwih enak, aja lawuh adug-adug tempe bae. Biasane langganane Man Damin ning ora warung Kasmud ya…warunge Yu Tur sing nang mburi pasar esuk.
Angger ndeleng glagate tah sing pan diparani Man Damin warunge Yu Tur. Bener bae, Man Damin maring warunge Yu Tur. Sawise Man Damin ngunci pite nang ngarep warunge Yu Tur, Man Damin bledeng manjing warung. Nang njero warung wis ana Wa Kemung. Gurung suwe njagong, jenggonggos Wa Kamid teka. Dadi pepek wong telu sing biasane kumpul-kumpul moci bareng. Sawise pesen sega lengko, Man Damin mulai mreceka.
“Mung…Mung, jare rika priben, masalah pasar esuk nang landratan pemerentahe Tegal kalah karo wong siji,” Man Damin takon maring Wa Kemung.
Baca Juga: Sejarah Desa Cempaka Tegal, Sosok Putri Cantik dan Sayembara Tuk Mudal
“Embuh yah…, ” jawabane Wa Kemung. “ Berarti pemerentahe mbayar maring investor, Min?
“Lah iya kuwe. Angger pemerentahe mbayar maring investor, pada bea inyong kabeh sing mbayar oh. Sing ora mupakat jumlahe sampeken luwih sing 11 milyar rupiah," kandane Man Damin
“Kuwe duit kabeh, Man Damin, “ Wa Kamid nyrandu.
“Iya…yah…” jawabane Man Damin karo mendhengkel.
“Angger nggo tuku krupuk antor, wong se Tegal wareg sampeken wudele mengsol yah?” jerene Wa Kamid.
“Duit semono mau angger ditumpuk, pirang meter, Man Damin,” Wa Kemung takon maning.
“Inyong ora tau weruh duit semano akehe, dadi ora bisa njawab.” semaure Man Damin.
“Mau-maune kepriben sih..?”
Wong pasar esuk awit ana warawara pemerentahe Tegal kudu mbayar maring investor sampeken 11, 443 milayar rupiah, pada bingung. Duit kuwe mau jarene durung karo dendane.
Pasar Esuk sing magrong-magrong kuwe jebule sampeken saiki egin dipersoalna antarane Pemkot Tegal karo investor PT Sinar Permai. Investor pedamine mbangun pasar telung blok, blok C, B karo A sing mengkone dadi pasar tumpuk. Investor mbangune blok C ndisit, bekase pendopo Kaloran, bar kuwe blok B. Anjoge pan ngarap Blok A, investore ngayang. Pedaminan sing diteken tanggal 5 Maret 1991, pasar esuk digawe tumpuk telu. Investore mblunat, njaluke ditambahi dadi tumpuk enem, sing nang ngisor nggo tempate parkiran.
Pemerentahe pedomane pembangunan karo ndani pasar esuk kuwe maksude nggo pedagang cilik. La…ka pijara pasar ditumpuk sampeken mentit, kuwe tah nggo pasar moderen oh, dudu pasar tradisional. Kayong ora manjing utek. Jare investore, ya manjing utek bae ya, laka investor gelem nanggung rugi. Taun 1995, investor ora gelem ngrampungna pembangunan blok A pasar esuk. Pembangunan pasar esuk, mandeg grek.
Luwih sing patang taun, pasar esuk blok A mangkrak, rungseb toli kumuh. Wis lokasine nang jalan Ahmad Yani sing kocape jalan protokol, laka edenge-edenge pating jruwag ora karuan. Pemkot Tegal akhire nutup plataran blok A nganggo seng. Pemerentahe nyacak miyul investor endah seg-eseg diragati. Investor tetap ora gelem. Diweden-wedeni kena denda, ya tetep magol.
Taun 1998, Pemkot Tegal teteg mutusna hubungane karo investor pasar esuk. Pasar esuk balik maning diopeni Pemkot Tegal. Sawise balik maning maring Pemkot Tegal, pasar sing mangkrak diragati atik duite APBD alias duite rayat. Dewane setuju blok A pasar esuk diadegna tumpuk loro. Senajan hubungene Pemkot karo investor dipedhot, etung-etungane tetep. Investor wis ngetokna pira, wis adol kios pira, ganti rugi pira, kabeh digunggung.
Investor ngajukna gugatan maring Pemkot Tegal, eben dilandrat. Nang pelandratan, Pemkot Tegal kalah. Nang etung-etungane Pemkot Tegal kudu njujuli, biaya sing wis ditokna karo ganti rugine investor.
“Ajib ah…Man Damin”, jarene Wa Kamid.
“ Saiki akeh landratan sing putusane ora adil. Pasar esuk kuwe tah dekene rayat, lawan wong siji bisa teluk. Rayat kudu mbayar sehahahaha...” Man Damin nglintong balik nggenjot pite.
Kaya kuwe sedulur, cerita Man Damin karyane Kang Yono Daryono, sing judule Kalah Nang Landratan Bayare Sehahahaha. Mengko disambung maning karo cerita liyane. Suwun.
