Pakde, Gratifikasi Sih Apa ?
Cerita ringan berbahasa Jawa tentang obrolan lucu soal gratifikasi antara dosen dan ponakannya, mengangkat isu hukum dengan sudut pandang sederhana dan kritis.
Daning : Maufur
Kaya biasane, esuk-esuk dina jemuah, nyong karo kanca-kanca dosen lan karyawan Universitas Pancasakti (UPS) Tegal pada latihan tenes ning lapangan GOR Wisanggeni Tegal.
Karo nunggu giliran main, pak Thomas marani nyong, terus ngomong.
“Pak Maufur, nyong pan cerita soal ponakan sing angger takon apa mbuh apa kye nyerecel.”
“Ya wis ceritanen nyong dak ngerongokna. Sing arane nyerecel kye kaya apa”.
Baca Juga: Jembatan Antar Desa di Pemalang Terbengkalai, Warga Harus Putar Jauh
Terus nyong karo pak Thomas njagong silah ning pinggir lapangan sing iyub adem merga ana godong-godong wit-witan ning duwure.
Jare pak Thomas, “nyong nduwe ponakan kelas enem sekolah dasar, wingi sauwise maca koran Suara Merdeka, takon karo nyong. Pak de, upami gratifikasi niku nopo sih?"
Krungu pitakonan sing radan aneh, jarene pak Thomas ngrajug kaget. Sadurunge njawab deweke takon maring ponakane.
“Bisane koen ujug-ujug takon gratifikasi, ana apa? Maksude apa?”
Nyong sing krungu omongan “Maksude apa”, dadi kemutan bapak Sumito SIP, kanca sekantor gemiyen ning Pemkot Tegal.
Baca Juga: Penyakit Cikungunya Merebak di Kabupaten Tegal, Sejak Juni 2025 Hingga Sekarang
Angger ana wong sing ngomong ora nggenah alias delaweran, terus deweke mesti takone, “Maksude apa?”
Ya wis kuwe mung sa-clereng, saiki mablik maring lep top.
Jare ponakane, “Nggih namung pengin ngertos mawon pakde. Wau ingkang taken niku kulo, saenipun pakde njawab rumiyin, mangke nggih kulo njawab.”
